Етно куќата и ресторанот “Серменински Чардак”, сместен во срцето на Кожуф планина, ви нуди уникатно доживување кое вклучува сместување со дегустација на домашна храна и вина.
Подарете си моменти на мир и спокој во амбиентот на природна убавина, каде единствениот звук е мелодијата на птиците и жуборење на реката.
Идеално за секого кој сака да побегне од градската врева и да се поврзе со природата.
Вашето доживување започнува со сместување во удобните и топли двокреветни или четирикреветни соби, секоја од кои располага со неповторлив поглед кон планината. Од терасата ќе можете да уживате во моментите на изгрејсонцето додека го дегустирате највкусниот појадок, подготвен од домашни намирници. Изберете помеѓу класичното, веганското или вегетаријанското мени и дозволете секое јадење да ве одведе на гастрономското патување низ традиционалната македонска кујна.
А по појадокот авантурата може да започне! Ќе имате можнот да ги истражите обележаните планинарски патеки, да уживате во возењето велосипед или да ги посетите водопадот Вера и манастирот Св. Илија. А навечер, по исполнетиот ден со нови впечатоци, вратете се во удобноста на вашата соба или сместете се на терасата, впивајќи ги звуците на природата додека уживате во чаша вино.
