Автентичен престој на ранч
Гара Ранч во Демир Хисар нуди можност за поинаков одмор во мирен рурален амбиент, со престој во објект уреден во традиционален етно стил и директен контакт со коњите.
За ноќевање се достапни три соби – две двокреветни и една соба со едно легло, со вкупен капацитет до 5 лица. За деца до 5 години ноќевањето е бесплатно.
На гостите им стои на располагање и функционална кујна за самостојно подготвување оброци.
Посебно доживување за гостите е утринското дружење со коњите, кое е вклучено во цената на ноќевањето. По желба, гостите можат да ги нахранат, исчешлаат и да поминат време со коњите.
Во близина на ранчот, на околу 3 km, се наоѓаат пицерија со можност за достава до ранчот и детска игротека.
Јавање коњи
На Гара Ранч е достапно јавање коњи за почетници, како и за лица кои веќе имаат поминато школа за јавање.
Јавање за почетници:
30 минути јавање во затворен простор на воспитани коњи.
Јавање за лица со претходно искуство:
Околу 1 час јавање на отворен простор.
Двете активности се достапни во текот на целата година, со претходна резервација.
За кого е ова доживување?
Понудата е погодна за љубителите на коњи, природата и руралниот амбиент, како и за семејства, парови, пријатели и сите кои сакаат да поминат време во поинаква средина.
За ноќевање максималниот капацитет е 5 лица, додека јавањето е достапно за минимум 1 и максимум 3 лица.
